Коллекциялық учаскеде жүргізілетін зерттеулердің негізгі бағыттары – Шығыс Қазақстанның таулы-тайгалы аймағының ашық топырақ жағдайында гүлді-сәндік өсімдіктердің коллекциялық қорын қалыптастыру мен құрудың ғылыми негіздерін әзірлеу, өсімдіктердің интродукциялық сынақтары мен бейімделу мүмкіндіктері, көпжылдықтардың ассортиментін және оларды ландшафттық сәулет өнерінде тиімді пайдалану бойынша ғылыми ұсынымдарды әзірлеу. Вегетациялық маусымда коллекциялық учаскеде экскурсиялар үнемі өткізіліп тұрады. Учаске экспозицияларына жыл сайын мектеп және колледж оқушылары, ғылыми мамандар мен қала қонақтары келіп тұрады, Риддер колледжінің студенттері кәсіби және оқу-өндірістік практикадан өтеді.